വീട്ടമ്മയെ കടന്നുപിടിച്ച ഇതരസംസ്ഥാന തൊഴിലാളിയെ നാട്ടുകാർ പിടികൂടി പൊലീസിന് കൈമാറി

വിഴിഞ്ഞം: . വെസ്റ്റ് ബംഗാൾ സ്വദേശി ഉമേഷ്കുമാർ മാജിയാണ് (28) പൊലീസ് പിടിയിലായത്. വ്യാഴാഴ്ച പുലർച്ചെ 5.30ഓടുകൂടിയാണ് സംഭവം. ട്യൂഷന് പോകുന്ന മക്കൾക്ക് അടുക്കളയിൽ ആഹാരം പാചകം ചെയ്തുകൊണ്ടിരുന്ന 38കാരിയായ വീട്ടമ്മയെ പ്രതി അടുക്കളയിൽ കയറി കടന്നുപിടിക്കുകയായിരുന്നു. യുവതിയുടെ നിലവിളികേട്ടെത്തിയ ഭർത്താവും നാട്ടുകാരും പ്രതിയെ പിടികൂടി പൊലീസിന് കൈമാറുകയായിരുന്നു. ഇയാൾ കോവളം ബൈപാസ് നിർമാണ കമ്പനിയിലെ ജീവനക്കാരനാണെന്ന് വിഴിഞ്ഞം എസ്.ഐ രതീഷ് പറഞ്ഞു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.