റോഡ് നവീകരണം കഴിഞ്ഞിട്ടും ഗതാഗതക്കുരുക്കിന് പരിഹാരമില്ല

കല്ലമ്പലം: ലക്ഷങ്ങൾ മുടക്കി കല്ലമ്പലം ടൗൺ കേന്ദ്രീകരിച്ച് നവീകരണ പ്രവർത്തനങ്ങൾ നടത്തിയിട്ടും ഗതാഗതക്കുരുക്കിന് പരിഹാരമില്ല. ശിവഗിരി, പാപനാശം എന്നിവിടങ്ങളിൽനിന്ന് വന്നുചേരുന്ന വർക്കല റോഡ്, ദേശീയപാതയെ സംസ്ഥാന റോഡുമായി ബന്ധിപ്പിക്കുന്ന നഗരൂർ റോഡിലെ ഓട്ടോസ്റ്റാൻഡ്, കല്ലമ്പലം ജങ്ഷനിലെ അനധികൃത ടാക്സി സ്റ്റാൻഡ് എന്നിവയാണ് കുരുക്കിന് മുഖ്യകാരണം. ദേശീയപാതയിലെ നല്ലൊരുഭാഗം കൈയേറിയുള്ള ടാക്സി സ്റ്റാൻഡ് അപകടങ്ങൾ പതിവാക്കുന്നതിന് കാരണമാണ്. കാൽനടക്കാരും അപകടഭീതിയിലാണ്. നാട്ടുകാരും വ്യാപാരി വ്യവസായി ഏകോപനസമിതിയും നിരന്തരം ആവശ്യപ്പെട്ടിട്ടും ടാക്സി സ്റ്റാൻഡ് മാറ്റിസ്ഥാപിക്കാൻ അധികൃതർ നടപടിയെടുക്കുന്നില്ലെന്നാണ് പരാതി.