കഞ്ചാവ്​ വിൽപനക്കിടെ ഒരാൾ പിടിയിൽ

കൊല്ലം: എക്സൈസ് എൻഫോഴ്സ്മ​െൻറ് ആൻഡ് ആൻറിനാർകോട്ടിക് സ്പെഷൽ സ്ക്വാഡ് നടത്തിയ റെയ്ഡിൽ കഞ്ചാവ് വിൽപന നടത്തുന്നതിനിടെ ഒരാൾ പിടിയിലായി. ശക്തികുളങ്ങര കടപ്പുറത്ത് ജി.ജെ കന്നിട്ട വീട്ടിൽ ജേക്കബാണ് (47) അറസ്റ്റിലായത്. അസി. കമീഷണർ ജി. മുരളീധരൻ നായരുടെ നിർദേശാനുസരണം പ്രത്യേക ഷാഡോ ടീമാണ് ഇയാളെ പിടികൂടിയത്. രഹസ്യവിവരത്തെ തുടർന്ന് ദിവസങ്ങളായി ഇയാൾ നിരീക്ഷണത്തിലായിരുന്നു. റെയ്ഡിന് സി.െഎ ജെ. താജുദ്ദീൻകുട്ടി, ഇൻസ്പെക്ടർ എം. കൃഷ്ണകുമാർ, പ്രിവൻറിവ് ഒാഫിസർമാരായ ബി. ദിനേഷ് ബെനാൻസൺ, ഷാഡോ ടീമംഗങ്ങളായ വിഷ്ണുരാജ്, സലിം, എമേഴ്സൻ ലാസർ, ശ്രീകുമാർ, ദിലീപ് എന്നിവർ നേതൃത്വം നൽകി.