വിവാഹച്ചടങ്ങിനിടെ 'അപരിചിത സെൽഫി'; യുവാവ്​ പിടിയിൽ

ഇരവിപുരം: ഒാഡിറ്റോറിയത്തിൽ വിവാഹച്ചടങ്ങുകൾ നടക്കുന്നതിനിടെ വധുവരന്മാരൊടൊപ്പംനിന്ന് സെൽഫി എടുക്കുകയും വധുവരന്മാരുടെ ചിത്രം എടുക്കുകയും ചെയ്ത യുവാവിനെ പൊലീസിനെ ഏൽപിച്ചു. ഞായറാഴ്ച ഉച്ചക്ക് പള്ളിമുക്കിലുള്ള ഒാഡിറ്റോറിയത്തിലായിരുന്നു സംഭവം. സ്റ്റേജിൽ കയറി അപരിചിതനായ ഒരാൾ ഫോട്ടോയെടുക്കുന്നത് വധു വരന്മാരുടെ ബന്ധുക്കളുടെ ശ്രദ്ധയിൽപ്പെട്ടതിനെ തുടർന്ന് ചോദ്യം െചയ്യുകയായിരുന്നു. എന്നാൽ, പരസ്പര വിരുദ്ധമായ കാര്യങ്ങളാണ് പറഞ്ഞത്. ഇയാളുടെ കൈയിൽ പെൻഡ്രൈവ് കൂടി കണ്ടതോടെയാണ് ഇരവിപുരം പൊലീസിനെ ഏൽപിച്ചത്. ചാവർ കോട് സ്വദേശിയായ ആരോമൽ പ്രകാശാണ് (25) പിടിയിലായത്. ഇരവിപുരം എസ്.ഐ ഉമറുൽ ഫറൂഖി​െൻറ നേതൃത്വത്തിൽ ഇയാളെ ചോദ്യംചെയ്തു വരികയാണ്. ഇയാളുടെ ബന്ധുക്കളെയും പൊലീസ് വിവരം അറിയിച്ചിട്ടുണ്ട്.