ബി.ജെ.പി കാര്യാലയം ആക്രമിച്ച നടപടി ജനാധിപത്യത്തിനേറ്റ കളങ്കം ^തുഷാർ വെള്ളാപ്പള്ളി

ബി.ജെ.പി കാര്യാലയം ആക്രമിച്ച നടപടി ജനാധിപത്യത്തിനേറ്റ കളങ്കം -തുഷാർ വെള്ളാപ്പള്ളി തിരുവനന്തപുരം: ബി.ജെ.പി സംസ്ഥാന കാര്യാലയം ആക്രമിച്ച സി.പി.എം നടപടി ജനാധിപത്യത്തിനേറ്റ കളങ്കമാണെന്ന് ദേശീയ ജനാധിപത്യ സഖ്യം കൺവീനര്‍ തുഷാർ വെള്ളാപ്പള്ളി. എതെങ്കിലും ഒരു രാഷ്ട്രീയ പ്രസ്ഥാനത്തി‍​െൻറ ആസ്ഥാനം ആക്രമിച്ച് അതി‍​െൻറ സംസ്ഥാന അധ്യക്ഷനെ വധിക്കാൻ ശ്രമിച്ച സംഭവം കേരളത്തിൽ കേട്ടുകേൾവിയില്ലാത്തതാണ്. ഇത് ഫാഷിസമാണ്. രാഷ്ട്രീയ എതിരാളികളെ എന്തു മാർഗത്തിലൂടെയും ഇല്ലാതാക്കാൻ ശ്രമിക്കുന്നത് ജനാധിപത്യ സംവിധാനത്തിനുതന്നെ ഭീഷണിയാണ്. ശക്തമായ പ്രതിപക്ഷമാണ് ജനാധിപത്യത്തി‍​െൻറ നിലനിൽപ്പിന് തന്നെ അടിസ്ഥാനം. അത് ഇല്ലതാക്കി ഏകാധിപത്യ ഭരണകൂടത്തിനാണ് സി.പി.എം ശ്രമിക്കുന്നത്. ഉത്തരകൊറിയൻ മോഡൽ നടപ്പാക്കാനുള്ള ശ്രമത്തിൽനിന്ന് സി.പി.എം പിന്തിരിയണമെന്നും അദ്ദേഹം ആവശ്യപ്പെട്ടു.