ശ്രീനാരായണ ഗുരുജയന്തി ആഘോഷം ആലോചനയോഗം ചേർന്നു

തിരുവനന്തപുരം: ശ്രീനാരായണ ഗുരുജയന്തി ആഘോഷ ഭാഗമായി ഏർപ്പെടുത്തേണ്ട ക്രമീകരണങ്ങൾ സംബന്ധിച്ച് വിവിധ വകുപ്പുകളെ സംയോജിപ്പിച്ചുകൊണ്ട് മേയറുടെ അധ്യക്ഷതയിൽ ചെമ്പഴന്തി ഗുരുകുലത്തിൽ ആലോചന യോഗം ചേർന്നു. ശ്രീകാര്യം, ചേങ്ങോട്ടുകോണം റോഡ് അടിയന്തരമായി മെയിൻറനൻസ് പ്രവൃത്തി നടത്തുന്നതിനും കേരള വാട്ടർ അതോറിറ്റി നടത്തിയിട്ടുള്ള പൈപ്പ് ലൈൻ പ്രവൃത്തിയുടെ ഭാഗമായി കുഴിച്ചിട്ടുള്ള റോഡുകൾ അടിയന്തരമായി മെയിൻറനൻസ് നടത്തുന്നതിന് പൊതുമരാമത്ത് റോഡ്സ് ഡിവിഷന് നിർേദശം നൽകി. നഗരസഭയുടെ അധീനതയിലുള്ള റോഡുകൾ സഞ്ചാരയോഗ്യമാക്കുന്നതിനും നഗരസഭ എൻജിനീയറിങ് വിഭാഗത്തിന് നിർദേശം നൽകി.