പനി; മൂന്നുമരണം കൂടി

തിരുവനന്തപുരം: സംസ്ഥാനത്ത് പനിബാധിച്ച് 10 വയസ്സുകാരൻ ഉൾെപ്പടെ മൂന്നുപേർ കൂടി മരിച്ചു. ഡെങ്കിപ്പനി ബാധിച്ച് പാലക്കാട് നെല്ലായ സ്വദേശി മുഹമ്മദ് അലി (45), മലപ്പുറം തൃക്കലങ്ങോട് സ്വദേശി ഷബീർ (24), മലപ്പുറം ചെറുകാവ് സ്വദേശി ആകാശ് (10) എന്നിവരാണ് മരിച്ചത്. ന്യുമോണിയ ബാധിച്ച് പാലക്കാട് കാവശ്ശേരി സ്വദേശി ദേവികയും (61) മരിച്ചു. വ്യാഴാഴ്ച പകർച്ചപനി ബാധിച്ച് 22,273 പേരാണ് വിവിധ സർക്കാർ ആശുപത്രികളിൽ ചികിത്സ തേടിയത്. ഇതിൽ 4007 പേരും മലപ്പുറം ജില്ലയിലാണ്. ഡെങ്കിപ്പനി ബാധയെ തുടർന്ന് ചികിത്സ തേടിയ 646 പേരിൽ 179 പേർക്ക് രോഗം സ്ഥിരീകരിച്ചു. ഇതിൽ 65 പേരും തലസ്ഥാന ജില്ലയിലുള്ളവരാണ്. രണ്ടുപേർക്ക് എച്ച്1എൻ1ഉം ഒരാൾക്ക് എലിപ്പനിയും എട്ടുപേർക്ക് മലേറിയയും സ്ഥിരീകരിച്ചു. എലിപ്പനി ലക്ഷണങ്ങളുമായി ആറുപേരും ചികിത്സ തേടി. വിവിധ ജില്ലകളിലെ പനിബാധിതരുടെ എണ്ണം, ബ്രാക്കറ്റിൽ ഡെങ്കിബാധിതരുടെ കണക്ക്: തിരുവനന്തപുരം 2283 (65), കൊല്ലം 1431 (33).