സി.പി.എമ്മും പൊലീസും നടത്തിയത് നരനായാട്ടെന്ന്

തിരുവനന്തപുരം: ബാലരാമപുരത്ത് യു.ഡി.എഫി​െൻറ സമരപ്പന്തലില്‍ സി.പി.എമ്മും പൊലീസും നടത്തിയത് നരനായാട്ടെന്ന് ഡി.സി.സി പ്രസിഡൻറ് നെയ്യാറ്റിന്‍കര സനല്‍. എം. വിന്‍സ​െൻറ് എം.എല്‍.എക്ക് നീതി ലഭ്യമാക്കണമെന്നാവശ്യപ്പെട്ട് യു.ഡി.എഫി​െൻറ ആഭിമുഖ്യത്തില്‍ നടത്തുന്ന രാപ്പകല്‍ സമരപ്പന്തലില്‍ പ്രകോപനം ഇല്ലാതെയാണ് ആക്രമണം അഴിച്ചുവിട്ടത്. സംഘര്‍ഷാവസ്ഥ അറിയാമായിരുന്നിട്ടും പൊലീസ് മനഃപൂർവം സി.പി.എം ജാഥ സമരപ്പന്തലിന് മുന്നിലൂടെ കടത്തിവിടുകയായിരുന്നു. ക്രമസമാധാന പ്രശ്‌നം ചൂണ്ടിക്കാട്ടി എം. വിന്‍സ​െൻറി​െൻറ ജാമ്യം തടയുക എന്ന ഗൂഢാലോചനയാണ് ഇതിനുപിന്നിൽ. കുറ്റക്കാരായ മുഴുവന്‍ പൊലീസ് ഉദ്യോഗസ്ഥര്‍ക്കെതിരെയും നടപടിയെടുക്കണമെന്ന് അദ്ദേഹം ആവശ്യപ്പെട്ടു.