പത്രവിൽപനക്കിടെ ബൈക്കിടിച്ച് മാധ്യമം ഏജൻറിന് ഗുരുതര പരിക്ക്

കിളിമാനൂർ: പത്രവിൽപനക്കിടെ ബൈക്കിടിച്ച് മാധ്യമം ഏജൻറിന് ഗുരുതരപരിക്ക്. മടവൂർ പുലിയൂർകോണം ഏജൻറ് യാക്കൂബ് ഖാനാണ് (48) പരിക്കേറ്റത്. ചൊവ്വാഴ്ച രാവിലെ 6.30ഒാടെ തുമ്പോട് കവലക്ക് സമീപത്താണ് അപകടം. എതിർവശത്തെ വീട്ടിൽ പത്രം ഇട്ടശേഷം റോഡ് മുറിച്ചു കടക്കവേ ബൈക്കിടിക്കുകയായിരുന്നു. പരിക്കേറ്റ യാക്കൂബ് ഖാനെ നാട്ടുകാർ തിരുവനന്തപുരം മെഡിക്കൽ കോളജ് ആശുപത്രിയിലെത്തിച്ചു. അടിയന്തര ശസ്ത്രക്രിയക്ക് വിധേയനായ യാക്കൂബ് അപകടനില തരണംചെയ്തതായി ആശുപത്രി വൃത്തങ്ങൾ അറിയിച്ചു. കഴുത്തിലെ അസ്ഥികൾ പൊട്ടിപ്പോയതായും തലക്ക് സാരമായ പരിക്കേറ്റതായും ഭാര്യ പറഞ്ഞു.