ആഫ്രിക്കൻ ഒച്ചുകളെ തുരത്താൻ നടപടി സ്വീകരിക്കും

ചവറ: ചവറ പ്രദേശത്ത് ആഫ്രിക്കൻ ഒച്ചുകളെ ഇല്ലാതാക്കാൻ നടപടികൾ സ്വീകരിക്കുമെന്ന് കൃഷി ഓഫിസർ സി. പ്രീത പറഞ്ഞു. കിഴക്കൻ മലയോരഗ്രാമങ്ങളിൽ കർഷകർക്ക് ഭീഷണിയായ ഒച്ചുകളെ ചവറ നല്ലേഴത്ത് ജങ്ഷന് സമീപത്തെ സാനിട്ടറി വ്യാപാരസ്ഥാപനം പ്രവർത്തിക്കുന്ന പുരയിടത്തിലാണ് കണ്ടെത്തിയത്. ഇവ എങ്ങനെ ചവറ പ്രദേശത്തെത്തി എന്നത് വ്യക്തമല്ലെങ്കിലും പുരയിടത്തി​െൻറ പല ഭാഗങ്ങളിൽ സാന്നിധ്യമുണ്ട്. മണ്ണിൽ ആറടി താഴ്ചയിൽ വരെ കഴിയാൻ കഴിവുള്ള ഇവ മഴക്കാലത്താണ് പുറത്തെത്തുന്നത്. ഒച്ചുകൾ നാശം വിതച്ച സ്ഥലങ്ങളിൽ സ്വീകരിച്ച മാതൃകകൾ ഇതിനായി സ്വീകരിക്കുമെന്നും കൃഷി ഓഫിസർ പറഞ്ഞു.