ബസ് കാത്തിരിപ്പുകേന്ദ്രം ലോറിയിടിച്ച് തകർന്നു

പുനലൂർ: ദേശീയപാത 744ൽ ഇടമൺ ഗവ. എൽ.പി സ്കൂളിനോട് ചേർന്നുള്ള ബസ് കാത്തിരിപ്പുകേന്ദ്രം ലോറിയിടിച്ചുതകർന്നു. കഴിഞ്ഞ ദിവസം രാത്രിയിലാണ് തമിഴ്നാട്ടിൽ നിന്നെത്തിയ ചരക്ക് ലോറി കാത്തിരിപ്പ് കേന്ദ്രത്തിൽ ഇടിച്ചത്. രണ്ടു വർഷം മുമ്പ് ബ്ലോക്ക് പഞ്ചായത്തി​െൻറ സഹായത്തോടെയാണ് കാത്തിരിപ്പ് കേന്ദ്രം നിർമിച്ചത്. യാത്രക്കാർക്ക് വളരെ പ്രയോജനപ്രദമായിരുന്ന കാത്തിരിപ്പുകേന്ദ്രം പുനഃസ്ഥാപിക്കണമെന്ന് നാട്ടുകാർ ആവശ്യപ്പെട്ടു.