വില്ലേജ് ഓഫിസിലേക്ക് കോണ്‍ഗ്രസ് മാര്‍ച്ച്

ആറ്റിങ്ങല്‍: തൊഴിലുറപ്പ് തൊഴിലാളികള്‍ക്കുള്ള കൂലി വിതരണം വൈകിക്കുന്ന കേന്ദ്ര സര്‍ക്കാര്‍ നടപടിയിലും പകര്‍ച്ചപ്പനിക്കെതിരെ അനങ്ങാപ്പാറ നയം സ്വീകരിക്കുന്ന സംസ്ഥാന സര്‍ക്കാര്‍ നിലപാടിലും പ്രതിഷേധിച്ച് മുദാക്കല്‍ മണ്ഡലം കോണ്‍ഗ്രസ് കമ്മിറ്റിയുടെ നേതൃത്വത്തില്‍ വില്ലേജ് ഓഫിസിലേക്ക് മാര്‍ച്ച് നടത്തി. ഡി.സി.സി അംഗം മുദാക്കല്‍ ശ്രീധരന്‍ ഉദ്ഘാടനം ചെയ്തു. മണ്ഡലം പ്രസിഡൻറ് ശ്രീകണ്ഠന്‍നായര്‍ അധ്യക്ഷതവഹിച്ചു. മുദാക്കല്‍ പഞ്ചായത്ത് പ്രസിഡൻറ് ആര്‍.എസ്. വിജയകുമാരി, ബ്ലോക്ക് പഞ്ചായത്ത് അംഗം ഇളമ്പ ഉണ്ണിക്കൃഷ്ണന്‍, മുരളി, ഗോപിനാഥപിള്ള, പ്രഹ്‌ളാദന്‍, റഫീഖ്, മുരളി, ശശിധരന്‍നായര്‍, സിനി, ഗീത, അനിത രാജന്‍ബാബു, സുഷമാദേവി, സിന്ധുകുമാരി, സുചേതകുമാര്‍, സുജാതന്‍ എന്നിവര്‍ സംസാരിച്ചു.