യാത്രയയപ്പ്​ നൽകി

തിരുവനന്തപുരം: സർവിസിൽനിന്ന് വിരമിക്കുന്ന കേരള മുനിസിപ്പൽ ആൻഡ് കോർപറേഷൻ സ്റ്റാഫ് യൂനിയൻ സംസ്ഥാന വൈസ് പ്രസിഡൻറും തിരുവനന്തപുരം നഗരസഭ ഹെൽത്ത് സൂപ്പർവൈസറുമായിരുന്ന പി. അജയകുമാർ, ജില്ല പ്രസിഡൻറും നഗരസഭ റവന്യൂ ഓഫിസറുമായിരുന്ന ഡി. രാജശേഖരൻ നായർ എന്നിവർക്ക് യൂനിയൻ ജില്ല കമ്മിറ്റിയുടെ നേതൃത്വത്തിൽ യാത്രയയപ്പ് നൽകി. സി.പി.എം ജില്ല സെക്രട്ടറി ആനാവൂർ നാഗപ്പൻ ഉദ്ഘാടനം ചെയ്തു. ജില്ല വൈസ് പ്രസിഡൻറ് ബി. ബോബൻ അധ്യക്ഷത വഹിച്ചു. എഫ്.എസ്.ഇ.ടി.ഒ ജില്ല സെക്രട്ടറി ശ്രീവസൻ, ആർ. രവീന്ദ്രൻ, പി. സുരേഷ്, എസ്.എസ്. മിനു, ശോഭനകുമാരി, ആർ.സി. രാജേഷ് എന്നിവർ സംസാരിച്ചു. എം. മനോജ് നന്ദി പറഞ്ഞു.