ഭരണഭാഷാ പുരസ്‌കാരം; അപേക്ഷതീയതി നീട്ടി

തിരുവനന്തപുരം: സര്‍ക്കാറി​െൻറ വിവിധവകുപ്പുകള്‍, സെക്രട്ടേറിയറ്റിലെ ഭരണവകുപ്പുകള്‍, സര്‍ക്കാര്‍/അർധസര്‍ക്കാര്‍/സഹകരണ/പൊതുമേഖല/സ്വയംഭരണ/തദ്ദേശഭരണ സ്ഥാപനങ്ങള്‍ തുടങ്ങിയവയിലെ ക്ലാസ് മൂന്ന് വിഭാഗത്തില്‍പെട്ട ജീവനക്കാര്‍ക്കായി ഏര്‍പ്പെടുത്തിയ ജില്ലതല ഭരണഭാഷ സേവന പുരസ്‌കാരത്തിന് (10,000 രൂപയും സത്‌സേവനരേഖയും) അപേക്ഷ സമര്‍പ്പിക്കുന്നതിനുള്ള അവസാനതീയതി ആഗസ്റ്റ് പത്ത് വരെ നീട്ടി. നിര്‍ദിഷ്ട ഫോറത്തിലുള്ള അപേക്ഷകള്‍ ഓഫിസ് തലവ​െൻറ പരിശോധനക്കുറിപ്പ് സഹിതം അതത് ജില്ല കലക്ടര്‍മാർക്ക് സമര്‍പ്പിക്കണം. കൂടുതല്‍ വിവരങ്ങള്‍ ഉദ്യോഗസ്ഥ ഭരണപരിഷ്‌കാര (ഔദ്യോഗികഭാഷ) വകുപ്പ്, (0471- 2518563, 2518831, 2518792), കലക്ടര്‍മാര്‍, വകുപ്പുമേധാവികള്‍ എന്നിവരില്‍നിന്നും സര്‍ക്കാര്‍ വെബ്‌സൈറ്റില്‍ (www.kerala.gov.in) നിന്നും ഔദ്യോഗിക ഭാഷാവകുപ്പി​െൻറ glossary.kerala.gov.in എന്ന ഡൊമെയ്ന്‍ വിലാസത്തിലും ലഭ്യമാണ്. പ്രോജക്ട് കോഒാഡിനേറ്റര്‍ ഒഴിവ് തിരുവനന്തപുരം: ജില്ലയിലെ സംസ്ഥാന അർധ സര്‍ക്കാര്‍ സ്ഥാപനത്തില്‍ സ്റ്റേറ്റ് പ്രോജക്ട് കോ-ഓഡിനേറ്ററുടെ ഓപണ്‍ വിഭാഗത്തിനുള്ള ഒരു താല്‍ക്കാലിക ഒഴിവുണ്ട്. അംഗീകൃത സര്‍വകലാശാല ബിരുദം, സര്‍ക്കാറിലോ രജിസ്റ്റേര്‍ഡ് സംഘടനകളിലോ വൈകല്യം/ആരോഗ്യസംബന്ധ സ്‌കീമുകളില്‍ കുറഞ്ഞത് ഏഴുവര്‍ഷത്തെ പരിചയവുമാണ് യോഗ്യതകള്‍. പ്രായപരിധി 2017 മേയ് ഒന്നിന് 30 വയസ്സിനും 60 വയസ്സിനും മധ്യേ. നിശ്ചിതയോഗ്യതയുള്ള ഉദ്യോഗാർഥികള്‍ എല്ലാ അസ്സല്‍ സര്‍ട്ടിഫിക്കറ്റുകളുമായി ജൂലൈ 20ന് മുമ്പ് തൊട്ടടുത്ത എംപ്ലോയ്‌മ​െൻറ് എക്‌സ്‌ചേഞ്ചില്‍ പേര് രജിസ്റ്റര്‍ ചെയ്യണം.