ജൻ ഔഷധി മെഡിക്കൽ സ്​റ്റോർ ആരംഭിച്ചു

ചിത്രം: കാരോട് ക്ഷീരസംഘത്തിൽ ആരംഭിച്ച ജൻ ഔഷധി മെഡിക്കൽ സ്റ്റോർ ബ്ലോക്ക് വൈസ് പ്രസിഡൻറ് വിളപ്പിൽ രാധാകൃഷ്ണൻ ഉദ്ഘാടനം ചെയ്യുന്നു (പടം). വിളപ്പിൽ: കാരോട് ക്ഷീരോൽപാദക സഹകരണസംഘത്തിൽ ജൻ ഔഷധി മെഡിക്കൽ സ്റ്റോർ പ്രവർത്തനം ആരംഭിച്ചു. സംസ്ഥാനത്ത് ആദ്യമായാണ് ക്ഷീര സഹകരണസംഘത്തിൽ ജൻ ഔഷധി ആരംഭിക്കുന്നത്. ക്ഷീരസംഘം പ്രസിഡൻറ് ഡി. കർമന്ദ്ര​െൻറ അധ്യക്ഷതയിൽ ബ്ലോക്ക് പഞ്ചായത്ത് വൈസ് പ്രസിഡൻറ് വിളപ്പിൽ രാധാകൃഷ്ണൻ ഉദ്ഘാടനം ചെയ്തു. ബി.പി.പി.ഐ നോഡൽ ഓഫിസർ പൂർണിമ എസ്. നായർ ആദ്യവിൽപന നടത്തി. മിൽമ ഡയറക്ടർ ബോർഡംഗം അഡ്വ. ഗിരീഷ്കുമാർ, ഡി.ഇ.ഒ ജയശ്രീ, സഹകാർ ഭാരതി ജില്ല സെക്രട്ടറി അജി ബുധന്നൂർ, ശിവാകൈലാസ്, സംഘം വൈസ് പ്രസിഡൻറ് എള്ളുവിള സുകു, സെക്രട്ടറി എം. അനിൽകുമാർ, പഞ്ചായത്ത്, ബോർഡ് മെംബർമാർ എന്നിവർ സംസാരിച്ചു.