ആറുമാസമായി ഗുരുവി​െൻറ മൃതദേഹം ഫ്രീസറിൽ; ധ്യാനത്തിലെന്ന്​ അനുയായികൾ

ചണ്ഡിഗഢ്: പഞ്ചാബിലെ ആശ്രമത്തിൽ മരിച്ച ഗുരുവി​െൻറ മൃതദേഹം അനുയായികൾ ഫ്രീസറിൽ സൂക്ഷിച്ചത് ആറുമാസം. ദിവ്യജ്യോതി ജാഗ്രതി സൻസ്ഥാൻ എന്ന ഭക്തിപ്രസ്ഥാനത്തി​െൻറ അധ്യക്ഷനായ അശുതോഷ് മഹാരാജി​െൻറ മൃതദേഹമാണ് മാസങ്ങളായി ആശ്രമത്തിൽ സൂക്ഷിക്കുന്നത്. ഗുരു മരിച്ചിട്ടില്ലെന്നും ധ്യാനത്തിലാണെന്നുമാണ് അനുയായികളുടെ വാദം. നൂർമഹൽ പട്ടണത്തിലുള്ള ആശ്രമത്തിലാണ് മൃതദേഹം സൂക്ഷിച്ചിരിക്കുന്നത്. ജനുവരി 29നാണ് എഴുപതുകാരനായ മഹാരാജ് മരിച്ചത്. ഗുരുവി​െൻറ ധ്യാനം പൂർത്തിയാകുന്നതുവരെ ശരീരം ഫ്രീസറിൽനിന്ന് മാറ്റാനോ സംസ്കരിക്കാനോ അനുവദിക്കില്ലെന്ന് പ്രസ്ഥാന വക്താവ് സ്വാമി വിശാലാനന്ദ അറിയിച്ചു. ഗുരു ഹൃദയാഘാതം മൂലമാണ് മരിച്ചതെന്ന് മെഡിക്കൽ സംഘം സ്ഥിരീകരിച്ചിരുന്നു. മൃതദേഹം സംസ്കരിക്കാൻ വിട്ടുനൽകാത്തതിനെതിരെ മഹാരാജി​െൻറ മുൻ ഡ്രൈവർ കോടതിയെ സമീപിച്ചിരുന്നു. എന്നാൽ, മരണം സ്ഥിരീകരിച്ച് റിപ്പോർട്ട് സമർപ്പിച്ചിട്ടും കോടതി ഹരജി തള്ളുകയാണ് ചെയ്തത്. ആത്മീയാചാര്യനായ അശുതോഷ് മഹാരാജി​െൻറ മൃതദേഹം സംസ്കരിക്കുന്നത് സംബന്ധിച്ച തീരുമാനം അനുയായികൾക്ക് വിട്ടു നൽകണമെന്നാണ് പഞ്ചാബ് സർക്കാർ കോടതിയെ അറിയിച്ചത്. തുടർന്ന് കോടതി മൃതദേഹം സൂക്ഷിക്കാൻ അനുമതി നൽകുകയായിരുന്നു. ധ്യാനത്തിലിരിക്കുേമ്പാൾ ഗുരുവി​െൻറ ദർശനവും സന്ദേശവും ലഭിക്കുന്നുണ്ടെന്നാണ് അനുയായികളുടെ വാദം.