ബഷീർ കൃതികളുടെ കൈയെഴുത്ത്​ പതിപ്പുമായി സ്​കൂൾ കുട്ടികൾ

ചവറ: വൈക്കം മുഹമ്മദ് ബഷീറി​െൻറ കൃതികളും ജീവിതവുമായി കൈയെഴുത്ത് പതിപ്പ്. ശങ്കരമംഗലം സർക്കാർ ഹയർ സെക്കൻഡറി സ്കൂളിലെ വിദ്യാർഥികളായ അതുല്യ രാഹുൽ, രേവതി, അമീന എന്നിവരാണ് 16 പേജുള്ള കൈപ്പതിപ്പ് തയാറാക്കിയിരിക്കുന്നത്. ബഷീറുമായി ബന്ധപ്പെട്ട സംഭവങ്ങൾ, അദ്ദേഹത്തി​െൻറ കഥകൾ എന്നിവ ശേഖരിച്ചാണ് ഇതു തയാറാക്കിയത്. ചിത്രകാരൻ എം.എഫ്. ഹുസൈൻ, ബഷീറിനെ സന്ദർശിച്ചതും മരത്തിനു താഴെ പാട്ടിൽ ലയിച്ചിരിക്കുന്ന ബഷീറി​െൻറ നിരവധി ചിത്രങ്ങളും കൈയെഴുത്ത് പതിപ്പിൽ കാണാം. ബഷീർ പതിപ്പ് എന്ന് പേരിട്ടിരിക്കുന്ന ഈ കൈയെഴുത്തിൽ പാത്തുമ്മയുടെ ആട്, ബാല്യകാലസഖി, േപ്രമലേഖനം, ഭൂമിയുടെ അവകാശികൾ തുടങ്ങിയ കൃതികളുടെ വിവരണവുമുണ്ട്. അധ്യാപകനായ സനിൽലാൽ തയാറാക്കിയ ബഷീർ ചിത്രമാണ് ആദ്യ പേജായി നൽകിയിട്ടുള്ളത്. അധ്യാപകനായ കുരീപ്പുഴ ഫ്രാൻസിസ് കുട്ടികൾക്ക് നിർദേശങ്ങൾ നൽകി. സ്കൂൾ അസംബ്ലിയിൽ പതിപ്പി​െൻറ പ്രകാശനം അഞ്ചിന് പ്രഥമാധ്യാപകൻ ശശാങ്കദൻ നിർവഹിക്കും.