കമ്പ്യൂട്ടർ വിതരണം

കുണ്ടറ: സെൻട്രൽ റോട്ടറി ക്ലബ് നിർധനരായ 50 പേർക്ക് ഡി.ടി.പി സ​െൻറർ ആരംഭിക്കുന്നതിന് നൽകുന്ന കമ്പ്യൂട്ടർ ഉപകരണങ്ങളുടെ വിതരണോദ്ഘാടനം എം. നൗഷാദ് എം.എൽ.എ നിർവഹിച്ചു. റോട്ടറി ഡിസ്ട്രിക്ട് ഗവർണർ ഡോ. ജോൺ ഡാനിയേൽ ഉദ്ഘാടനം ചെയ്തു. ക്ലബ് പ്രസിഡൻറ് കെ.ജി. കോശി അധ്യക്ഷത വഹിച്ചു. പത്മരാജൻ, കോരുത് യോഹന്നാൻ, ധനപാലപ്പണിക്കർ, നന്ദകുമാർ, പി.എം.എ റഹ്മാൻ എന്നിവർ സംസാരിച്ചു. ആരോഗ്യ ക്യാമ്പ് കുണ്ടറ: ഗ്രാമപഞ്ചായത്ത്, കുണ്ടറ താലൂക്ക് ആശുപത്രി, ആയുർവേദ ആശുപത്രി, ഹോമിയോ ക്ലിനിക് എന്നിവയുടെ ആഭിമുഖ്യത്തിൽ സമഗ്ര ആരോഗ്യ ക്യാമ്പ് നടത്തും. ഞായറാഴ്ച രാവിലെ എട്ടിന് ആറുമുറിക്കട വൈ.എം.സി.എ ഹാളിൽ പഞ്ചായത്ത് പ്രസിഡൻറ് കെ. ബാബുരാജൻ ഉദ്ഘാടനം ചെയ്യും.