സിവില്‍ പൊലീസ് ഓഫിസര്‍മാര്‍ക്ക് രണ്ടുമാസമായി ശമ്പളമില്ളെന്ന്

വിതുര: ഗ്രാമീണ മേഖലകളിലെ പൊലീസ് സ്റ്റേഷനുകളിലേക്ക് നിയോഗിക്കപ്പെട്ട സിവില്‍ പൊലീസ് ഓഫിസര്‍മാര്‍ക്ക് രണ്ടുമാസത്തോളമായി ശമ്പളം ലഭിക്കുന്നില്ളെന്ന് പരാതി. തിരുവനന്തപുരം ജില്ലയിലെ നഗരസ്റ്റേഷനുകളില്‍നിന്ന് ഗ്രാമീണ മേഖലകളിലേക്ക് സ്ഥലംമാറ്റം ലഭിച്ചവര്‍ക്കാണ് ഈ ദുര്‍ഗതി. രണ്ട് മാസം മുമ്പ് ഇരുന്നൂറോളം പേര്‍ക്കാണ് ഗ്രാമപ്രദേശത്തേക്ക് മാറ്റം ലഭിച്ചത്. നവംബര്‍ പകുതിയോടെയാണ് മിക്കവരും പുതിയ സ്ഥലത്തേക്കത്തെിയത്. അതോടെ ഡിസംബറില്‍ കിട്ടേണ്ട ശമ്പളം ലഭിച്ചില്ല. ജനുവരിയിലെങ്കിലും കുടിശ്ശികയുള്‍പ്പെടെ ലഭിക്കുമെന്ന് കരുതിയെങ്കിലും മാസം അവസാനിച്ചിട്ടും നടപടിയില്ല. ശമ്പളം നല്‍കുന്ന സംവിധാനം ഓണ്‍ലൈന്‍വഴിയായതോടെ സ്ഥലംമാറ്റം ലഭിക്കുന്നവര്‍ക്കും കാലതാമസം കൂടാതെ കിട്ടേണ്ടതാണ്. അതേസമയം, ഒരേസമയം സ്ഥലംമാറ്റം ലഭിച്ച് വിവിധ സ്റ്റേഷനുകളിലേക്ക് പോയവരില്‍ ഒരു വിഭാഗത്തിന് ശമ്പളം ലഭിച്ചിട്ടുമുണ്ട്.