യുവമോര്‍ച്ച പ്രവര്‍ത്തകനെ വെട്ടിപ്പരിക്കേല്‍പിച്ചു

പാറശ്ശാല: യുവമോര്‍ച്ച പ്രവര്‍ത്തകനെ നാലംഗ സംഘം വെട്ടിപ്പരിക്കേല്‍പിച്ചു. മഞ്ചവിളാകം ചാരുവിളാകം പൂരം വീട്ടില്‍ കെ. ശരത്താണ് (19) വെട്ടേറ്റ് നെയ്യാറ്റിന്‍കര ആശുപത്രിയില്‍ ചികിത്സയിലുള്ളത്. മരപ്പണിക്കാരനായ ശരത് ഇന്നലെ വൈകീട്ട് നാലിന് ധനുവച്ചപുരം പാര്‍ക്ക് ജങ്ഷനില്‍ നില്‍ക്കവെയാണ് ആക്രമണം. രണ്ട് ബൈക്കുകളിലായി എത്തിയ നാലംഗ സംഘം വാള്‍ ഉപയോഗിച്ച് വെട്ടുകയായിരുന്നു. എസ്.എഫ്.ഐ പ്രവര്‍ത്തകനായിരുന്ന ശരത് ആറുമാസം മുമ്പ് യുവമോര്‍ച്ചയില്‍ ചേര്‍ന്നിരുന്നു. യുവമോര്‍ച്ച ചാരുവിളാകം യൂനിറ്റ് സെക്രട്ടറിയാണ് വെട്ടേറ്റ ശരത്. ഒരാഴ്ച മുമ്പ് മഞ്ചവിളാകത്ത് സി.പി.എം-ബി.ജെ.പി പ്രവര്‍ത്തകര്‍ തമ്മില്‍ വാക്കേറ്റവും കൈയാങ്കളിയും നടന്നിരുന്നു.