എൻ.സി.പി എൻ.ഡി.എയിൽ ചേരുമെന്ന പ്രചാരണം അടിസ്​ഥാനരഹിതം

തിരുവനന്തപുരം: എൻ.സി.പി എൻ.ഡി.എയിൽ ചേരുമെന്ന പ്രചാരണങ്ങൾ അടിസ്ഥാനരഹിതമാണെന്ന് എൻ.സി.പി സംസ്ഥാന ആക്ടിങ് പ്രസിഡൻറ് ടി.പി. പീതാംബരൻ മാസ്റ്റർ. പാർട്ടി വിരോധികളായ തൽപരകക്ഷികൾ കെട്ടിച്ചമച്ചതാണിത്. പാർട്ടി അണികളിലും പൊതുജനങ്ങൾക്കിടയിലും ആശയക്കുഴപ്പം ഉണ്ടാക്കാനുദ്ദേശിച്ചുള്ള പ്രചാരണങ്ങൾ ആരും വിശ്വസിക്കില്ല. ശരത് പവാറോ മറ്റേതെങ്കിലും എൻ.സി.പി നേതാക്കളോ ഇത്തരമൊരു ആലോചനയോ ചർച്ചയോ ആരുമായും നടത്തിയിട്ടിെല്ലന്നും അദ്ദേഹം കൂട്ടിച്ചേർത്തു.