കന്നട ചലച്ചിത്രമേള അവസാനിച്ചു

തിരുവനന്തപുരം: കേരള സംസ്ഥാന ചലച്ചിത്ര അക്കാദമിയും കർണാടക ചലച്ചിത്ര അക്കാദമിയും സംയുക്തമായി സംഘടിപ്പിച്ച കന്നട ചലച്ചിത്ര മേള സമാപിച്ചു. മേളയുടെ സമാപന ദിവസമായ തിങ്കളാഴ്ച പവൻകുമാർ സംവിധാനം ചെയ്ത 'യു േടൺ', ഹേമന്ത് കുമാറി​െൻറ 'ഗോധി ബണ്ണ സാദാരണ മൈക്കാട്ട്', ഡി. സത്യപ്രകാശ് സംവിധാനം ചെയ്ത 'രാമ രാമ റേ' എന്നീ ചിത്രങ്ങൾ പ്രദർശിപ്പിച്ചു. ശനിയാഴ്ച മുതൽ കിഴക്കേകോട്ട ദേവിപ്രിയ തിയറ്ററിൽ നടന്ന പ്രദർശനത്തിൽ ഒമ്പത് സിനിമകളാണ് പ്രദർശിപ്പിച്ചത്.