പ്രതിധ്വനി വിദ്യാഭ്യാസ സ്‌കോളർഷിപ്പിന്​ അപേക്ഷ ക്ഷണിച്ചു

തിരുവനന്തപുരം: ടെക്നോപാർക്കിലെ ഐ.ടി ജീവനക്കാരുടെ സംഘടനയായ പ്രതിധ്വനി, 2017ൽ പത്താം ക്ലാസ് പരീക്ഷയിൽ എല്ലാ വിഷയങ്ങൾക്കും എ പ്ലസ് വാങ്ങി വിജയിച്ച ബി.പി.എൽ കുടുംബങ്ങളിൽ നിന്നുള്ള വിദ്യാർഥികൾക്ക് സ്കോളർഷിപ് നൽകും. തിരുവനന്തപുരം ജില്ലയുടെ ഭാഗമായ സ്‌കൂളുകളിൽനിന്നുള്ള െതരഞ്ഞെടുക്കപ്പെടുന്ന കുട്ടികൾക്കാണ് സ്കോളർഷിപ് ലഭിക്കുക. പ്ലസ് വൺ, പ്ലസ് ടു പഠന കാലത്ത് എല്ലാമാസത്തിലും 1000 രൂപ വീതം, രണ്ടുവർഷത്തേക്ക് 24,000 രൂപയാണ് െതരഞ്ഞെടുക്കപ്പെടുന്ന കുട്ടികൾക്ക് ലഭിക്കുക. പ്രതിധ്വനി വിദ്യാഭ്യാസ സ്കോളർഷിപ് ലഭിക്കാൻ ആഗ്രഹിക്കുന്ന വിദ്യാർഥികൾ ആഗസ്റ്റ് 25നുമുമ്പ് http://pes.prathidhwani.org/ വെബ്‌സൈറ്റിൽ രജിസ്റ്റർ ചെയ്യണം. ഫോൺ: 9995483784, 8547076995.