മ്യൂസിയത്തിലെ ഇ^ടോയ്​ലറ്റുകൾ പൊതുജനങ്ങൾക്കായി തുറന്നുകൊടുത്തു; ഇക്കോസിസ്​ സോളാർ തെരുവുവിളക്ക് സ്​ഥാപിച്ചു

മ്യൂസിയത്തിലെ ഇ-ടോയ്ലറ്റുകൾ പൊതുജനങ്ങൾക്കായി തുറന്നുകൊടുത്തു; ഇക്കോസിസ് സോളാർ തെരുവുവിളക്ക് സ്ഥാപിച്ചു തിരുവനന്തപുരം: മ്യൂസിയത്തിൽ സ്ഥാപിച്ച രണ്ട് ഇ--ടോയ്ലറ്റുകൾ പൊതുജനങ്ങൾക്കായി തുറന്നുകൊടുത്തു. ഇവിടെയെത്തുന്ന സ്ത്രീകൾ ഉൾപ്പെടെയുള്ള സന്ദർശകർ പ്രാഥമികാവശ്യങ്ങൾ നിറവേറ്റാൻ ബുദ്ധിമുട്ടുന്ന സാഹചര്യത്തിലാണ് തിരുവനന്തപുരം ആസ്ഥാനമായി പ്രവർത്തിക്കുന്ന രാജ്യത്തെ ആദ്യ ഇ-ടോയ്ലറ്റ് നിർമാതാക്കളായ ഇറാം സയൻറിഫിക് സൊല്യൂഷൻസ് മ്യൂസിയത്തിൽ രണ്ട് ഇ-ടോയ്ലറ്റുകൾ സ്ഥാപിച്ചത്. ഭിന്നശേഷിയുള്ളവർക്ക് കൂടി ഉപയോഗിക്കാൻ പറ്റിയ രീതിയിലുള്ള സംവിധാനങ്ങൾ ഇ-ടോയ്ലറ്റുകളിൽ ഒരുക്കിയിട്ടുണ്ട്. ഇറാം സയൻറിഫിക് സൊല്യൂഷൻസ് പുതുതായി ഇക്കോസിസ് എന്ന പേരിൽ വികസിപ്പിച്ചെടുത്ത സോളാർ തെരുവുവിളക്കും മ്യൂസിയത്തിൽ സ്ഥാപിച്ചിട്ടുണ്ട്. മ്യൂസിയം ഡയറക്ടർ കെ. ഗംഗാധരൻ ഇ-ടോയ്ലറ്റുകൾ ഉദ്ഘാടനം ചെയ്തു. ഭിന്നശേഷിയുള്ളവർക്ക് ഉപയോഗിക്കാനായി പ്രത്യേക റാമ്പ് സംവിധാനം ഇ -ടോയ്ലറ്റിൽ ഉൾപ്പെടുത്തിയിട്ടുണ്ട്. ഇതുവഴി ഇവർക്ക് എളുപ്പത്തിൽ ഇ-ടോയ്ലറ്റിലേക്ക് പ്രവേശിക്കാനാകും. മ്യൂസിയത്തിലെ പൂന്തോട്ടത്തിലാണ് ടോയ്ലറ്റുകൾ സ്ഥാപിച്ചിട്ടുള്ളത്.