ചിങ്ങം ഒന്നിന് ജനഹൃദയയുടെ പൂവേ...പൊലി പൂവേ...

തിരുവനന്തപുരം: കാല്‍നൂറ്റാണ്ടിനുശേഷം ഗൃഹാതുരത്വമുണര്‍ത്തുന്ന ഓണപ്പാട്ടുകളുമായി ജനഹൃദയ ഗായകസംഘം. മലയാളത്തിലെ പ്രശസ്തരായ 16 ഗാനരചയിതാക്കളുടെ വരികള്‍ക്ക് 16 സംഗീത സംവിധായകര്‍ ഈണമിടുന്നു. 51 ഗായകരാണ് 'പൂവേ... പൊലി പൂവേ...'യുടെ വേദിയിലെത്തുന്നത്. ആഗസ്റ്റ് 17ന് (ചിങ്ങം ഒന്ന്) വൈകീട്ട് അഞ്ചിന് നിശാഗന്ധി ഓഡിറ്റോറിയത്തിലാണ് പരിപാടി. പൂവച്ചല്‍ ഖാദര്‍, ചുനക്കര രാമന്‍കുട്ടി, പ്രഭാവര്‍മ, വിനോദ് വൈശാഖി, മഞ്ചു വെള്ളായണി, കാര്യവട്ടം ശ്രീകണ്ഠന്‍നായര്‍, ദേവന്‍ പകല്‍ക്കുറി, ഫിര്‍ദൗസ് കായൽപ്പുറം, മടവൂര്‍ രാധാകൃഷ്ണന്‍, മുല്ലശ്ശേരി കൃഷ്ണന്‍കുട്ടി, റഹീം പനവൂര്‍, സുവചന്‍, ശ്രീദേവി, സുരഭില ജി. കൈമള്‍, ബിയാട്രിസ് ഗോമസ് എന്നിവരാണ് ഗാനരചന നിര്‍വഹിച്ചിരിക്കുന്നത്. എം. ജയദേവന്‍, ആര്‍. സോമശേഖരന്‍, വിജയ് കരുണ്‍, രതീഷ് കൃഷ്ണ, ഹരീഷ് മണി, പന്തളം ബാലന്‍, അജയ് തിലക്, രവിശങ്കര്‍, തണ്ടര്‍ബേര്‍ഡ്‌സ് വേണു, പൊന്‍കുന്നം ജോസ്, സി. രാജീവ് , രാജ്‌മോഹന്‍, അരുണ്‍ ശ്രീകണ്ഠന്‍, കൊല്ലം മോഹന്‍, മനോജ് മണിമന്ദിര്‍, രജിത എന്നിവര്‍ സംഗീതം നല്‍കി.