സിമൻറ് ലോറി തലകീഴായി മറിഞ്ഞു

പത്തനാപുരം: പുനലൂര്‍-പത്തനാപുരം പാതയില്‍ . ഡ്രൈവര്‍ നിസ്സാര പരിക്കുകളോടെ രക്ഷപ്പെട്ടു. വെട്ടിത്തിട്ട പെട്രോൾ പമ്പിന് സമീപം ശനിയാഴ്ച രാത്രിയോടെയാണ് അപകടം. സിമൻറുമായി പത്തനംതിട്ട ഭാഗത്തേക്കുപോകുകയായിരുന്ന ലോറി നിയന്ത്രണംവിട്ട് റോഡിന് ഇടതുഭാഗത്തെ ഷാജി ഭവനിൽ ഷാജിയുടെ വീടിന് സമീപത്ത് മറിയുകയായിരുന്നു. വീട്ടില്‍ ഷാജിയുടെ ഭാര്യ മാത്രമാണ് ഉണ്ടായിരുന്നത്. ശബ്ദംകേട്ട് പുറത്തേക്ക് ഇറങ്ങിയോടിയതിനാല്‍ അപകടത്തില്‍നിന്ന് രക്ഷപ്പെട്ടു. ഓടിക്കൂടിയ പ്രദേശവാസികളാണ് ഡ്രൈവറായ പത്തനംതിട്ട സ്വദേശിയായ വിപിനെ പുറത്തെത്തിച്ചത്. വീടിനു സമീപം നിന്നിരുന്ന തെങ്ങിൽ ലോറി തട്ടിയതിനാൽ വൻ അപകടമാണ് ഒഴിവായത്. ഇടിയുടെ ആഘാതത്തില്‍ തെങ്ങുവീണ് വീടി​െൻറ മേൽക്കൂര ഭാഗികമായി തകർന്നു. പുനലൂർ പൊലീസ് കേസെടുത്തു.