തച്ചൻകോട്-^കോട്ടൂർ റോഡിൽ മാലിന്യം നിറയുന്നു

തച്ചൻകോട്--കോട്ടൂർ റോഡിൽ മാലിന്യം നിറയുന്നു ആര്യനാട്: കുറ്റിച്ചൽ പഞ്ചായത്തിലെ തച്ചൻകോട്- കോട്ടൂർ റോഡിൽ മാലിന്യം നിറയുന്നു. റോഡി​െൻറ ഇരുവശങ്ങളിലും വിജനമായ സ്വകാര്യ പുരയിടങ്ങളാണ് മാലിന്യം തള്ളുന്നത്. കുത്തകുഴി പാലത്തിലും മാലിന്യം തള്ളുന്നുണ്ട്. വലിയവിള, തീപ്പച്ചാംതേരി എന്നിവിടങ്ങളിൽ റോഡ് വക്കിലും സമീപ പുരയിടങ്ങളിലും മാലിന്യം നിറഞ്ഞിട്ടുണ്ട്: വസ്തു ഉടമകൾ കാട് വെട്ടാത്തതും ചുറ്റുവേലി നിർമിക്കാത്തതുകാരണം മാലിന്യം തള്ളുന്നതിന് ആക്കം കൂട്ടുന്നു. തെരുവുനായ്ക്കളും കാട്ടുപന്നികളും വർധിച്ചിരിക്കുകയാണ്. അതിരാവിലെ മുതൽ റബർ ടാപ്പിങ്ങിനായി പോകുന്ന തൊഴിലാളികൾ അപകട ഭീഷണിയിലാണ്.