പെൺകുട്ടികളുടെ മാതാവിനെ ഹൈകോടതി കാമുകനോടൊപ്പം വിട്ടയച്ചു

ഓച്ചിറ: ചങ്ങൻകുളങ്ങരയിൽനിന്ന് കഴിഞ്ഞമാസം 10ന് ആറ് വയസ്സ് വീതമുള്ള ഇരട്ട പെൺകുട്ടികളെയും ഭർത്താവിനെയും ഉേപക്ഷിച്ച് ഒളിച്ചോടിയ യുവതിയെ കാമുകനോടൊപ്പം വിട്ടയച്ച് ഹൈകോടതി. ഭർത്താവ് നൽകിയ ഹേബിയസ് ഹരജിയെ തുടർന്ന് ഓച്ചിറ പൊലീസ് യുവതിയെ അറസ്റ്റ് ചെയ്ത് ഹൈകോടതിയിൽ ഹാജരാക്കുകയായിരുന്നു. ആദിനാട് സ്വദേശിക്കൊപ്പമാണ് യുവതി പോയത്. ഇവർ രണ്ടുപേരും കരുനാഗപ്പള്ളിയിലെ ഒരു ഫാർമസിയിൽ ജോലി ചെയ്യുകയായിരുന്നു. കാമുകൻ വിവാഹിതനും ഒരു കുട്ടിയുടെ പിതാവുമാണ്.