ബാഗ് വീണ് യാത്രക്കാരിക്ക് പരിക്ക്; വിമാനം തിരിച്ചിറക്കി

തിരുവനന്തപുരം: പറന്നുയര്‍ന്ന വിമാനത്തില്‍നിന്ന് യാത്രക്കാരിയുടെ തലയില്‍ ബാഗ് വീണ് ഗുരുതര പരിക്കേറ്റു. ഇതിനെത്തുടർന്ന് വിമാനം തിരിച്ചിറക്കി. വെള്ളിയാഴ്ച ഉച്ചക്ക് 12.50ന് തിരുവനന്തപുരത്തുനിന്ന് ദുബൈയിലേക്ക് പറന്നുയര്‍ന്ന എമിറേറ്റസ് എയര്‍ലൈന്‍സി​െൻറ 521ാം നമ്പര്‍ വിമാനത്തിലെ യാത്രക്കാരിയായിരുന്ന അമേരിക്കന്‍ സ്വദേശിനി ലിട്ടി കുട്ടി ജോൺസ​െൻറ (40) തലക്കാണ് സീറ്റിന് മുകളില്‍വെച്ചിരുന്ന ബാഗ് വീണ് പരിക്കേറ്റത്. പരിക്ക് ഗുരുതരമായതിനെതുടര്‍ന്ന് വിമാനം തിരിച്ചിറക്കിയാല്‍ മാത്രമേ അടിയന്തര വൈദ്യസഹായം നല്‍കാന്‍ കഴിയൂവെന്ന് എയര്‍ഹോസ്റ്റസുമാർ പൈലറ്റിനെ അറിയിക്കുകയായിരുന്നു. ഇതോടെ വിമാനം അടിയന്തരമായി തിരികെ ഇറക്കേണ്ട സാഹചര്യമാെണന്ന് കാണിച്ച് തിരുവനന്തപുരം എയര്‍ട്രാഫിക് കണ്‍ട്രോള്‍ റൂമിലേക്ക് പൈലറ്റ് സന്ദേശമയച്ചു. എയര്‍ട്രാഫിക്ക് കണ്‍ട്രോള്‍ റൂമില്‍നിന്ന് വിമാനം ലാൻഡിങ് നടത്താനുള്ള അനുമതി നല്‍കി. തുടര്‍ന്ന് 1.10ഓടെ വിമാനം തിരിച്ചറക്കി. തുടര്‍ന്ന് പരിക്കേറ്റ യാത്രക്കാരിയെ വിമാനത്തില്‍നിന്ന് ടെര്‍മിനലില്‍ എത്തിച്ച് വിമാനത്താവളത്തിൽ ഡ്യൂട്ടിയിലുണ്ടായിരുന്ന ഡോക്ടര്‍ പരിശോധിച്ചു. പരിക്ക് ഗുരുതരമായതിനാല്‍ ഇവരെ സമീപത്തെ സ്വകാര്യ ആശുപത്രിയിലേക്ക് മാറ്റി. ഇവരോെടാപ്പം യാത്രചെയ്തിരുന്ന അമേരിക്കന്‍ സ്വദേശി ലിസ ഫ്ലോര്‍സ് യാത്ര റദ്ദാക്കി ഇവര്‍ക്കൊപ്പം ആശുപത്രിയിലേക്ക് പോയി. തുടര്‍ന്ന് രണ്ടു മണിയോടെ വിമാനം മറ്റ് യാത്രക്കാരുമായി ദുബൈയിലേക്ക് പുറപ്പെട്ടു. വിമാനത്തിലെ സീറ്റുകള്‍ക്ക് മുകളിലായി ലഗേജുകള്‍വെക്കുന്ന ക്യാബി​െൻറ ഡോര്‍ കൃത്യമായി അടയാത്തതാണ് ബാഗ് വീഴാൻ കാരണമെന്ന് വിലയിരുത്തുന്നു.