മദ്യവിൽപന നടത്തിയയാൾ അറസ്​റ്റിൽ

ആറ് കുപ്പി വിദേശമദ്യവും പണവും പിടിച്ചെടുത്തു കൊല്ലം: എക്സൈസ് എൻഫോഴ്സ്മ​െൻറ് ആൻഡ് ആൻഡി നർക്കോട്ടിക് സ്പെഷൽ സ്ക്വാഡ് നടത്തിയ പരിശോധനയിൽ മദ്യവിൽപന നടത്തിയയാൾ പിടിയിൽ. ചവറ വട്ടത്തറ കുശ നിവാസിൽ മധുസൂദനൻപിള്ളയാണ് (39) പ്രത്യേക ഷാഡോ സംഘത്തി​െൻറ പിടിയിലായത്. ഡെപ്യൂട്ടി കമീഷണർ കെ. സുരേഷ്ബാബുവിന് ലഭിച്ച രഹസ്യവിവരത്തി​െൻറ അടിസ്ഥാനത്തിലായിരുന്നു പരിശോധന. ആറ് കുപ്പി വിദേശമദ്യവും പണവും പിടിച്ചെടുത്തു. സി.െഎ ജെ. താജുദ്ദീൻകുട്ടി, ഇൻസ്പെക്ടർ എം. കൃഷ്ണകുമാർ, പ്രിവൻറീവ് ഒാഫിസർമാരായ ബി. ദിനേഷ്, ബെനാൻസൻ, വിഷ്ണുരാജ്, സലിം, എവേഴ്സൺ, പ്രസാദ് എന്നിവരടങ്ങുന്ന സംഘമാണ് പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കി ജുഡീഷ്യൽ കസ്റ്റഡിയിൽ റിമാൻഡ് ചെയ്തു.