ജുമാമസ്​ജിദ്​ സ്​ഫോടനക്കേസ്​: യാസീൻ ഭട്​കലിനെതിരെ കുറ്റം ചുമത്തി​​

ന്യൂഡൽഹി: ജുമാമസ്ജിദ് സ്ഫോടനക്കേസിൽ ഇന്ത്യൻ മുജാഹിദീൻ നേതാവ് അംഗം യാസീൻ ഭട്കലിനും പ്രതികളായ മറ്റു ഒമ്പത് പേർക്കുമെതിരെ കുറ്റം ചുമത്തി. ഡൽഹി അഡീഷനൽ സെഷൻസ് കോടതിയുടേതാണ് ഉത്തരവ്. 2010ലാണ് കേസിനാസ്പദമായ സംഭവം. തെളിവുകളുടെ അഭാവത്തിൽ മൂന്ന് കൂട്ടുപ്രതികളെ ജഡ്ജി സിദ്ധാർഥ് ശർമ കേസിൽനിന്ന് ഒഴിവാക്കി. സൈദ് ഇസ്മാഇൗൽ അഫാഖ്, അബ്ദൂസ് സബൂർ, റിയാസ് അഹമ്മദ് സഇൗദി എന്നിവരെയാണ് കുറ്റപത്രത്തിൽനിന്ന് ഒഴിവാക്കിയത്. ഇന്ത്യൻ മുജാഹിദീൻ സ്ഥാപകരിലൊരാളായ യാസീൻ ഭട്കൽ നാല് ഭീകരാക്രമണ കേസുകളിൽ വിചാരണ നേരിടുകയാണ്. 18 പേർ കൊല്ലപ്പെട്ട 2013ലെ ഹൈദരാബാദ് ബോംബ് സ്ഫാടനക്കേസിൽ പ്രത്യേക എൻ.െഎ.എ കോടതി വധശിക്ഷ വിധിച്ചിരുന്നു.