വീ​ട്​ കു​ത്തി​ത്തു​റ​ന്ന്​ സ്വ​ർ​ണ​വും പ​ണ​വും ക​വ​ർ​ന്നു

തിരുവനന്തപുരം: മണക്കാട്ട് വീട് കുത്തിത്തുറന്ന് 20 പവനും 2000 രൂപയും കവർന്നു. മണക്കാട് കമലേശ്വരം വലിയവീട്ടിൽ ലൈനിൽ വീട്ട് നമ്പർ 14ൽ തിങ്കളാഴ്ച രാത്രിയാണ് മോഷണം നടന്നതെന്ന് പൂന്തുറ എസ്.ഐ സജിൻ ലൂയിസ് അറിയിച്ചു. വീട്ടുകാർ ബന്ധുവിെൻറ മരണെത്ത തുടർന്ന് തിങ്കളാഴ്ച രാവിലെ 9.30ഓടെ അമ്പലത്തറയിലേക്ക് പോയിരുന്നു. ചൊവ്വാഴ്ച രാവിലെ മടങ്ങിയെത്തിയപ്പോഴാണ് മോഷണം നടന്ന വിവരം അറിഞ്ഞത്. കോൺക്രീറ്റ് ഒറ്റനില കെട്ടിടത്തിെൻറ അടുക്കള ഭാഗത്തെ വാതിൽ കുത്തിത്തുറന്നാണ് മോഷ്ടാവ് അകത്ത് കയറിയത്. ആയുധം ഉപയോഗിച്ചാണ് വാതിൽ തകർത്തത്. ബെഡ്റൂമിലെ അലമാരയും സമാനനിലയിൽ കുത്തിത്തുറന്നാണ് 20 പവൻ ആഭരണങ്ങൾ കൊണ്ടുപോയത്. ഇവിടെ സൂക്ഷിച്ചിരുന്ന 2000 രൂപയും മോഷ്ടിച്ചു. ഫിംഗർ പ്രിൻറ് വിദഗ്ധർ സ്ഥലത്ത് എത്തി തെളിവെടുപ്പ് നടത്തി. വിരലടയാളങ്ങൾ ലഭിച്ചിട്ടുണ്ടെന്നും പരിശോധിച്ച് വരുകയാണെന്നും പൊലീസ് അറിയിച്ചു. മോഷണം നടന്ന സ്ഥലത്തും കുത്തിത്തുറന്ന വാതിലിന് സമീപത്തും മുളകുപൊടി വിതറിയിട്ടുണ്ടായിരുന്നു. സ്ഥിരം മോഷണം നടത്തുന്ന കുറ്റവാളികളിൽ ആരെങ്കിലുമാകും ഇതിന് പിന്നിലെന്നാണ് നിഗമനമെന്ന് എസ്.ഐ അറിയിച്ചു.