കഴക്കൂട്ടത്ത് വീണ്ടും ഗുണ്ടാ ആക്രമണം; യുവാവിന് വെട്ടേറ്റു

കഴക്കൂട്ടം: കുമഴിക്കരയില്‍ വീണ്ടും ഗുണ്ടാ ആക്രമണം. യുവാവിന് വെട്ടേറ്റു. നിരവധികേസുകളില്‍ പ്രതിയായ അരുള്‍ദാസിനാണ് വെട്ടേറ്റത്. ഞായറാഴ്ച പുലര്‍ച്ചെ ഒന്നിനായിരുന്നു സംഭവം. അഞ്ചോളം പേരടങ്ങുന്ന സംഘമാണ് ആക്രമിച്ചത്. കഴക്കൂട്ടം പൊലീസ് സംഭവത്തില്‍ അന്വേഷണം ആരംഭിച്ചു. കഴുത്തിന് വെട്ടേറ്റ അരുള്‍ ദാസ് അപകടനില തരണംചെയ്തിട്ടുണ്ട്. നിരവധി കേസുകളില്‍ പ്രതിയായ അരുള്‍ദാസും ആക്രമിച്ച സംഘത്തില്‍പെട്ടവരും സുഹൃത്തുക്കളായിരുന്നു. എന്നാല്‍ സമീപകാലത്തായി അകന്നിരുന്നു. ഇതിനത്തെുടര്‍ന്നുള്ള വൈരാഗ്യമാണ് ആക്രമണത്തില്‍ കലാശിച്ചതെന്ന് പൊലീസ് പറഞ്ഞു.