വറ്റാത്ത ഉറവക്കായ് ജലസമൃദ്ധി: വളന്‍റിയര്‍മാര്‍ക്ക് പരിശീലനം

തിരുവനന്തപുരം: വറ്റാത്ത ഉറവക്കായ് ജലസമൃദ്ധി കാട്ടാക്കട മണ്ഡലം പദ്ധതിയുടെ ഭാഗമായി ബ്ളോക്ക്തല പരിശീലനം നേമം ബ്ളോക് പഞ്ചായത്തിന്‍െറയും കേരള ഭൂവിനിയോഗ ബോര്‍ഡിന്‍െറയും ആഭിമുഖ്യത്തില്‍ നേമം ബ്ളോക്ക് പഞ്ചായത്ത് ഹാളില്‍ സംഘടിപ്പിച്ചു. ആറ് പഞ്ചായത്തുകളില്‍ നിന്ന് തെരഞ്ഞെടുക്കപ്പെട്ട 150 വളന്‍റിയര്‍മാര്‍ പങ്കെടുത്തു. ഐ.ബി.സതീഷ് എം.എല്‍.എ ഉദ്ഘാടനം ചെയ്തു. ഭൂവിനിയോഗ ബോര്‍ഡ് കമീഷണര്‍ നിസാമുദ്ദീന്‍െറ നേതൃത്വത്തില്‍ അരുണ്‍കുമാര്‍, അല്‍ത്താഫ് ഹൈദരി എന്നിവര്‍ ക്ളാസുകള്‍ നയിച്ചു. ബ്ളോക്ക് പഞ്ചായത്ത് പ്രസിഡന്‍റ് എല്‍. അനിത, നേമം ബ്ളോക്ക് ജോയന്‍റ് ഡെവലപ്മെന്‍റ് ഓഫിസര്‍ ഡി. സുരേഷ് സംസാരിച്ചു.