അനില്‍കുമാറിന് ആറയൂര്‍ നിവാസികളുടെ അന്ത്യാഞ്ജലി

തിരുവനന്തപുരം: വെട്ടേറ്റുമരിച്ച ബി.ജെ.പി പ്രവര്‍ത്തകന്‍ അനില്‍കുമാറിന് ആറയൂര്‍ നിവാസികളുടെ അന്ത്യാഞ്ജലി. ഞായറാഴ്ച രാത്രി വേട്ടേറ്റുമരിച്ച ആറയൂര്‍ കുരിവിക്കാട് വറുതട്ടുവിള വീട്ടില്‍ അനില്‍ കുമാറിന്‍െറ (43) മൃതദേഹം തിങ്കളാഴ്ച വീട്ടുവളപ്പില്‍ സംസ്കരിച്ചു. തിങ്കളാഴ്ച ഉച്ചയോടെ നെയ്യാറ്റിന്‍കര ആശുപത്രിയില്‍ പോസ്റ്റ്മോര്‍ട്ടം നടത്തിയ ശേഷം വിലാപയാത്രയായാണ് മൃതദേഹം വീട്ടുവളപ്പിലത്തെിച്ചത്. അര മണിക്കൂര്‍ പൊതുദര്‍ശനത്തിനുവെച്ചശേഷം വൈകീട്ട് നാലോടെ സംസ്കരിച്ചു. ഞായറാഴ്ച രാത്രി 9.30നാണ് അനില്‍കുമാറിന് നേരെ മര്യാപുരം ജങ്ഷനു സമീപത്തുവെച്ച് ആക്രമണം ഉണ്ടായത്. സി.പി.എമ്മില്‍നിന്ന് അടുത്ത കാലത്താണ് ഇദ്ദേഹം ബി.ജെ.പിയില്‍ എത്തിയത്. കൊലപാതകത്തിനു പിന്നില്‍ രാഷ്ട്രീയമില്ളെന്ന് പൊലീസ് പറയുന്നു. അനില്‍കുമാറിനോട് പ്രദേശവാസികളായ ചിലര്‍ക്കുള്ള വ്യക്തി വൈരാഗ്യമാണ് കൊലപാതകത്തിന് പിന്നിലെന്നാണ് പ്രാഥമിക നിഗമനം. ബി.ജെ.പി ആറയൂര്‍ ബൂത്ത് കമ്മിറ്റി പ്രസിഡന്‍റായിരുന്നു അനില്‍കുമാര്‍.