നോട്ട് ദുരിതത്തിനെതിരെ ഇടയ്ക്കകൊട്ടി പ്രതിഷേധം

തിരുവനന്തപുരം: ചലചിത്രമേളയുടെ വേദിയില്‍ നോട്ട് ദുരിതത്തിനെതിരെ ഇടയ്ക്കകൊട്ടി പ്രതിഷേധം. ഇടയ്ക്ക കലാകാരനായ പ്രകാശന്‍ പഴമ്പാലക്കൊടാണ് മേളയുടെ മുഖ്യവേദിയായ ടാഗോര്‍ തിയറ്ററില്‍ ഇടയ്ക്കകൊട്ടി പ്രതിഷേധിച്ചത്. എ.ടി.എമ്മുകള്‍ കയറിയിറങ്ങി മടുത്തു. എങ്ങും പണമില്ല. ആശുപത്രിയില്‍ പോലും പോകാന്‍ പറ്റുന്നില്ല. വയസാംകാലത്ത് കൊട്ടി പാടി ഉണ്ടാക്കിയ കാശാണ്. തുഗ്ളക് പരിഷ്കാരത്തിലൂടെ സര്‍ക്കാര്‍ ജനങ്ങളെ കഷ്ടപ്പെടുത്തുന്നതിനെതിരെയാണ് എന്‍െറ സമരം -പ്രകാശന്‍ പറയുന്നു. നോട്ട് പിന്‍വലിക്കലിലൂടെ സാധാരണ ജനം കഷ്ടപ്പെടുന്നതുകണ്ടിട്ടും കലാകാരന്മാര്‍ മൗനംപാലിക്കുകയാണ്. അതുകൊണ്ടാണ് താന്‍ രംഗത്തിറങ്ങിയത്. നോട്ട് നിരോധനത്തിന് ശക്തമായ പ്രതിഷേധം മേളയിലുണ്ടാകണമെന്നും ആദ്ദേഹം ആവശ്യപ്പെട്ടു. കേരളത്തിലെ മൂന്ന് സെന്‍ട്രല്‍ ജയിലുകളില്‍ തടവുകാരെ ഇടയ്ക്ക പഠിപ്പിക്കുകയാണ് ഇദ്ദേഹം.