ഛത്തിസ്​ഗഢ്​ നഗരസഭ തെരഞ്ഞെടുപ്പിൽ കോൺഗ്രസ്​ മുന്നേറ്റം

റായ്പുർ: ഛത്തിസ്ഗഢ് നഗരസഭ തെരഞ്ഞെടുപ്പിൽ കോൺഗ്രസിന് മുന്നേറ്റം. 151 നഗരസഭ സ്ഥാപനങ്ങളിലേക്ക് നടന്ന തെരഞ്ഞെടുപ ്പിൽ ഫലം അറിവായ 2032 വാർഡുകളിൽ 923 എണ്ണത്തിൽ കോൺഗ്രസ് ജയിച്ചു. ബി.ജെ.പി 814 വാർഡുകൾ നേടി രണ്ടാമതാണ്. അജിത് ജോഗിയുടെ ജനത കോൺഗ്രസ് 17 എണ്ണം നേടിയപ്പോൾ സ്വതന്ത്രർ 278 വാർഡുകളിൽ ജയം കണ്ടു. 10 മുനിസിപ്പൽ കോർപേറഷനുകൾ, 38 മുനിസിപ്പൽ കൗൺസിലുകൾ, 103 നഗര പഞ്ചായത്തുകൾ എന്നിവിടങ്ങളിലേക്കാണ് തെരഞ്ഞെടുപ്പ് നടന്നത്. ആകെ 2831 വാർഡുകളാണുള്ളത്.