പൗരത്വ ഭേദഗതി ബിൽ പിൻവലിക്കണം

പെരുമ്പിലാവ്: രാജ്യത്തെ വിഭജിക്കുന്ന പൗരത്വ ഭേദഗതി ബിൽ പിൻവലിക്കണമെന്നാവശ്യപ്പെട്ട് സി.പി.എം കടവല്ലൂർ നോർത്ത്, സൗത്ത് ലോക്കൽ കമ്മിറ്റികളുടെ നേതൃത്വത്തിൽ പ്രതിഷേധ പ്രകടനവും പൊതുയോഗവും നടന്നു. സി.പി.എം ഏരിയ സെക്രട്ടറി എം.എൻ. സത്യൻ ഉദ്ഘാടനം ചെയ്തു. പി.ഐ.രാജേന്ദ്രൻ അധ്യക്ഷത വഹിച്ചു. കർഷക സംഘം ഏരിയ സെക്രട്ടറി കെ. കൊച്ചനിയൻ, ഡി.വൈ.എഫ്.ഐ സംസ്ഥാന കമ്മിറ്റി അംഗം കെ.ബി.ജയൻ എന്നിവർ സംസാരിച്ചു. എം.എം.നൗഷാദ് സ്വാഗതവും കെ.ഡി. പ്രവീൺ നന്ദിയും പറഞ്ഞു.