ജില്ല പഞ്ചായത്ത് അംഗത്തെ തള്ളിയിട്ട സംഭവം: കെ.എസ്.യു പഠിപ്പുമുടക്കി

ഒല്ലൂര്‍: വൈലോപ്പിള്ളി സ്‌കൂളില്‍ വെള്ളടാങ്ക് പൊളിക്കുന്നത് സംബന്ധിച്ച് ഉണ്ടായ തര്‍ക്കത്തിനിടെ ജില്ല പഞ്ചായത്ത് അംഗത്തെ തള്ളിയിട്ട സംഭവത്തില്‍ പ്രതിഷേധിച്ച് കെ.എസ്.യു പഠിപ്പുമുടക്കി പ്രകടനം നടത്തി. ഒല്ലൂര്‍ ബ്ലോക്ക് കോണ്‍ഗ്രസ് കമ്മിറ്റി സ്‌കൂള്‍ പരിസരത്തുനിന്ന് ഒല്ലൂര്‍ സൻെററിലേക്ക് പ്രതിഷേധ പ്രകടനവും പൊതുയോഗവും നടത്തി. ജില്ല പഞ്ചായത്ത് അംഗത്തെ മർദിച്ചവര്‍ക്കെതിരെ നടപടി സ്വീകരിക്കണമെന്ന് ബ്ലോക്ക് പ്രസിഡൻറ് ജെയ്ജു സെബാസ്റ്റ്യന്‍ ആവശ്യപ്പെട്ടു. കെ.എസ്.യു ജില്ല പ്രസിഡൻറ് മിഥുന്‍ മോഹന്‍, സംസ്ഥാന സെക്രട്ടറി സി. ശിൽപ, മണ്ഡലം പ്രസിഡൻറുമാരായ സനോജ് കാട്ടൂക്കാരന്‍, നന്ദന്‍ കുന്നത്ത്, കൗണ്‍സിലര്‍മാരായ ഷോമി ഫ്രാന്‍സിസ്, കരോളി ജോഷ്വ, ജയ മുത്തിപീടിക, ബിന്ദു കുട്ടന്‍ തുടങ്ങിയവര്‍ നേതൃത്വം നല്‍കി.