ചികിത്സ സഹായം വിതരണം ചെയ്​തു

വരവൂർ: 'ചെമ്പട സഖാക്കൾ' എന്ന സമൂഹമാധ്യമ കൂട്ടായ്മയുടെ നേതൃത്വത്തിൽ വരവൂർ തളി അരയാലുക്കൽ ഉമ്മറിന് ചികിത്സ ധനസഹ ായം വിതരണം ചെയ്തു. നടുവട്ടം ഹെഡ് ലോഡ് ആൻഡ് ജനറൽ വർക്കേഴ്സ് യൂനിറ്റ് ഓഫിസിൽ നടന്ന യോഗത്തിൽ സി.പി.എം ചേലക്കര ഏരിയ കമ്മിറ്റി സെക്രട്ടറി കെ.കെ. മുരളീധരൻ ധനസഹായം കൈമാറി. സി.പി.എം തളി ലോക്കൽ കമ്മിറ്റി സെക്രട്ടറി പി. ശങ്കരൻ കുട്ടി അധ്യക്ഷത വഹിച്ചു. കൂട്ടായ്മ പ്രസിഡൻറ് സുരേഷ് ബാബു മുഖ്യാതിഥിയായിരുന്നു. വി.കെ. രവീന്ദ്രനാഥൻ, എം.ഇ. അബൂബക്കർ, മേഴ്സി, എം.ആർ. രതിമോഹൻ എന്നിവർ സംസാരിച്ചു. പടം : വരവൂർ ചെമ്പട സഖാക്കൾ എന്ന സമൂഹമാധ്യമ കൂട്ടായ്മയുടെ ചികിത്സ ധനസഹായം സി.പി.എം ചേലക്കര ഏരിയ സെക്രട്ടറി കെ.കെ. മുരളീധരൻ കൈമാറുന്നു