ഹരിനന്ദിനും ഹരികൃഷ്​ണനും ഒന്നാം സ്​ഥാനം

തൃശൂർ: ഓൾ കേരള ഫോട്ടോഗ്രാഫേഴ്സ് അസോസിയേഷൻ സംസ്ഥാന സമ്മേളനത്തിൻെറ ഭാഗമായി എൽ.പി, യു.പി വിദ്യാർഥികൾക്ക് ചിത്രരചന മത്സരം നടന്നു. എൽ.പി വിഭാഗത്തിൽ ഐ.ആർ. ഹരിനന്ദിന് ഒന്നാം സ്ഥാനവും ആയുഷ് എൻ. അജയന് രണ്ടാം സ്ഥാനവും നിയ വർഗീസിന് മൂന്നാം സ്ഥാനവും ലഭിച്ചു. യു.പി വിഭാഗത്തിൽ കെ.ആർ. ഹരികൃഷ്ണൻ, പി.ആർ. നിരജ്ഞൻ, പി.എസ്. അനുഗ്രഹ എന്നിവർക്കാണ് ആദ്യ മൂന്നുസ്ഥാനങ്ങൾ. അഞ്ഞൂറോളം വിദ്യാർഥികൾ പങ്കെടുത്തു. ചടങ്ങ് നടൻ സുനിൽ സുഗത ഉദ്ഘാടനം ചെയ്തു. എ.കെ.പി.എ ജില്ല പ്രസിഡൻറ് ജനീഷ് പാമ്പൂർ അധ്യക്ഷത വഹിച്ചു. സംസ്ഥാന വൈസ് പ്രസിഡൻറ് ബിനോയ് കള്ളാട്ടുകുഴി സമ്മാനം നൽകി. ജീനീഷ് ഗോപി, സജീവ് സദിനി, സുബിൻ പുല്ലഴി, പ്രവീൺ പോൾ, മെജോ കോടാലി, രാജൻ സിനാരിയോ, കെ.കെ. മധുസൂദനൻ, ടി.ജി. മുരളി എന്നിവർ സംസാരിച്ചു.