റോഡിലെ കുഴിയിൽ അപകടം തുടർക്കഥ

പാവറട്ടി: കുണ്ടുവാകടവ് പാലത്തിന് സമീപം റോഡ് തകർന്ന് രൂപപ്പെട്ട വലിയ കുഴികളിൽവീണ് വാഹനാപകടം പതിവായി. ഇതു വഴിയു ള്ള ഗതാഗതം ദുഷ്കരമാണ്. അപകടത്തിൽപ്പെടുന്ന വാഹനങ്ങൾ കേടാകുന്നതും പതിവാണ്. ചാവക്കാട്-വാടാനപ്പള്ളി ദേശീയപാതയിൽനിന്ന് പാവറട്ടിയിലേക്കുള്ള പ്രധാന റോഡാണിത്. മാസങ്ങളായി തകർന്ന്കിടക്കുന്ന റോഡ് അറ്റകുറ്റപണികൾ ചെയ്യണമെന്ന ജനങ്ങളുടെ ആവശ്യം കണ്ടില്ലെന്ന് നടിക്കുകയാണ് അധികൃതരെന്ന് നാട്ടുകാർ പരാതിപ്പെട്ടു.