കെ.എസ്.ആര്‍.ടി.സിയില്‍ ശമ്പളവിതരണം തിങ്കളാഴ്ച പൂര്‍ത്തിയാകും

തിരുവനന്തപുരം: സര്‍ക്കാര്‍ ധനസഹായമായി 20 കോടി രൂപ കൂടി കിട്ടിയതോടെ കെ.എസ്.ആര്‍.ടി.സിയില്‍ ശമ്പള, വിതരണം തിങ്കളാഴ ്ച പൂര്‍ത്തിയാകും. ട്രഷറി ഇടപാടുകള്‍ വൈകിയതിനാല്‍ ശനിയാഴ്ച രാത്രിയോടെയാണ് നടപടിക്രമങ്ങള്‍ പൂര്‍ത്തീകരിക്കാന്‍ കഴിഞ്ഞത്. ക്ലറിക്കല്‍ ജീവനക്കാര്‍ക്ക് ശനിയാഴ്ച രാത്രി ശമ്പളം നല്‍കി. ശേഷിക്കുന്ന സൂപ്പര്‍വൈസറി, എക്‌സിക്യൂട്ടിവ് വിഭാഗം ജീവനക്കാര്‍ക്കും താൽക്കാലിക ജീവനക്കാര്‍ക്കും ഞായറാഴ്ചയും. ഓണ്‍ലൈന്‍ ഇടപാടായതിനാല്‍ ബാങ്ക് അവധിയാണെങ്കിലും പണം കൈമാറാനാകും. ഇരുവിഭാഗത്തിനുമായി 14 കോടി രൂപയാണ് വേണ്ടത്. ഉത്സവബത്ത, ബോണസ് എന്നിവക്ക് 12 കോടി രൂപയാണ് വേണ്ടത്. സര്‍ക്കാര്‍ സഹായത്തിന് പുറമെ ഒരുദിവസത്തെ വരുമാനം കൂടി ചേര്‍ത്താല്‍ ശമ്പള-ആനുകൂല്യവിതരണം തിങ്കളാഴ്ചയോടെ പൂര്‍ത്തീകരിക്കാന്‍ കഴിയും. ശമ്പളം അഡ്വാന്‍സ് ഇത്തവണ നല്‍കാനിടയില്ല.