കുതിരാനിൽ മണിക്കൂറുകൾ നീണ്ട കുരുക്ക്

ഇന്നലെ വൈകീട്ട് ഒന്നര മണിക്കൂറോളം വാഹനങ്ങൾ ഇഴഞ്ഞു കുതിരാൻ: ദേശീയപാതയിൽ വാഹനങ്ങളുടെ ഇഴഞ്ഞ് നീക്കം. വെള്ളിയാഴ്ച പകൽ കാര്യമായി കുരുക്കുകളില്ലാതിരുന്ന കുതിരാനിൽ വൈകുന്നേരത്തോടെ കുരുക്ക് രൂക്ഷമായി. രാത്രി ഏഴരയോടെ തുടങ്ങിയ വാഹനങ്ങളുടെ കുരുക്ക് രാത്രി വൈകുവോളവും തുടർന്നു. കുഴികൾ നികത്തുന്ന പ്രവൃത്തികൾ കാര്യമായി നടക്കുന്നില്ല. കുഴികളിൽ വാഹനങ്ങൾ കയറിയിറങ്ങുന്നതാണ് സമയക്കൂടുതൽ എടുക്കുന്നത്. ഓണാവധിയിലേക്ക് കടന്നതോടെ വാഹനങ്ങൾ അധികമായി ഇറങ്ങിയതും കുരുക്കിന് കാരണമാവുന്നുണ്ട്.