തീരത്തെ ആശങ്കയിലാക്കി പെരിയാറില്‍ ജലനിരപ്പ് ഉയരുന്നു

തീരത്തെ ആശങ്കയിലാക്കി പെരിയാറില്‍ ജലനിരപ്പ് ഉയരുന്നു ആലുവ: തീരത്തെ ആശങ്കയിലാക്കി പെരിയാറില്‍ ജലനിരപ്പ് ഉയരു ന്നു. പ്രളയവാർഷിക ദിനത്തിൽ വെള്ളം വീണ്ടും ഉയർന്നത് ഭീതിയോടെയാണ് ജനം കാണുന്നത്. കഴിഞ്ഞ വർഷത്തെ ജലനിരപ്പ് ഇതിനേക്കാൾ കൂടുതലായിരുന്നുവെന്നത് ചെറിയൊരു ആശ്വാസം നൽകുന്നുണ്ട്. കഴിഞ്ഞ ദിവസമുണ്ടായ വെള്ളപ്പൊക്കത്തിനുശേഷം ജലനിരപ്പ് താഴ്ന്നിരുന്നതാണ്. രണ്ട് ദിവസത്തിന് ശേഷം വീണ്ടും ജലനിരപ്പ് ഉയരുകയായിരുന്നു. ജില്ലയുടെ കിഴക്കന്‍ മേഖലയില്‍ ലഭിച്ച വലിയ മഴയാണ് ജലനിരപ്പ് ഉയരുന്നതിന് കാരണം. ആലുവ ശിവരാത്രി മണപ്പുറം വെള്ളത്തില്‍ മുങ്ങി. ശിവക്ഷേത്രത്തിലും വെള്ളം കയറിയിട്ടുണ്ട്. സമുദ്ര നിരപ്പില്‍നിന്ന് 2.20 മീറ്റര്‍ ഉയരത്തിലാണ് ബുധനാഴ്ച വെള്ളം പൊങ്ങിയത്. ദിവസങ്ങള്‍ക്ക് മുമ്പുണ്ടായ വെള്ളപ്പൊക്കത്തില്‍ സമുദ്ര നിരപ്പില്‍നിന്ന് 5.25 മീറ്റര്‍ ഉയരത്തില്‍ വരെ വെള്ളം ഉയര്‍ന്നിരുന്നു. ഇതോടെ ജനങ്ങളും ഭയപ്പാടിലായിരുന്നു. ഇതേ തുടർന്ന് സമീപവാസികള്‍ വീട്ടുപകരണങ്ങളെല്ലാം ഉയരത്തിലാക്കി വെച്ച് സുരക്ഷിത കേന്ദ്രങ്ങളിലേക്ക് മാറുകയും ചെയ്തിരുന്നു. ക്യാപ്ഷൻ ekg51 manapuram പെരിയാറിൽ ജലനിരപ്പ് ഉയർന്നതോടെ ആലുവ മണപ്പുറം ക്ഷേത്രത്തിൽ വീണ്ടും വെള്ളം കയറിയപ്പോൾ