മഴയിൽ നാശം

വടക്കാഞ്ചേരി: മംഗലം, പാർളിക്കാട് പ്രദേശങ്ങളിൽ നിരവധി മരങ്ങളും വൈദ്യുതി തൂണുകളും തകർന്നു. മേഖലയിൽ 25 ഓളം വൈദ്യുത ി തൂണുകളാണ് വീണത്. ഇതേത്തുടർന്ന് മേഖലയിലെ വൈദ്യുതി ബന്ധവും തകരാറിലായി. പാർളിക്കാട് പട്ടിച്ചിറക്കാവ് റോഡിലും വ്യാസറോഡിലും മരം വീണു ഗതാഗതം തടസ്സപ്പെട്ടു. പാർളിക്കാട് മേഖലയിലെ ചീരമ്പൻ വീട്ടിൽ റോസിലി, പാണേങ്ങാട്ടിൽ വീട്ടിൽ രുഗ്മാവതി, കണ്ണൻകുന്നേൽ സന്തോഷ് എന്നിവരുടെ വീടുകൾ തകർന്നു. ബൈപാസ് റോഡിനരികെ വയലിൽ സ്ഥാപിച്ചിരുന്ന കൂറ്റൻ ഇരുമ്പ് പരസ്യ ബോർഡ് കടപുഴകി വീണു. സംസ്ഥാന പാതയിൽ മുള്ളൂർക്കര സ്വദേശിയുടെ ബൈക്കിന് മുകളിലേക്ക് മരക്കൊമ്പ് പൊട്ടിവീണു. യുവാവ് ചെറിയ പരിക്കുകളോടെ രക്ഷപ്പെട്ടു.