സാക്ഷരത പഠിതാക്കളുടെ കലോത്സവം

വടക്കാഞ്ചേരി: മുള്ളൂർക്കര ഗ്രാമപഞ്ചായത്ത് സാക്ഷരത മിഷൻെറ നേതൃത്വത്തിൽ വളവ് എടപ്പാറ കോളനി അംഗൻവാടിയിൽ സാക്ഷരത പഠിതാക്കളുടെ കലോത്സവവും 'അക്ഷരലക്ഷം' സർട്ടിഫിക്കറ്റ് വിതരണവും നടത്തി. ചേലക്കര എം.എൽ.എ യു.ആർ. പ്രദീപ് ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡൻറ് എം.എച്ച്. അബ്ദുൽ സലാം അധ്യക്ഷത വഹിച്ചു. പഞ്ചായത്ത് അംഗങ്ങളായ മുഹമ്മദ് മുസ്തഫ, സ്മിത, ശോഭ മണികണ്ഠൻ, കുടുംബശ്രീ ചെയർപേഴ്സൻ ജലജ ശിവദാസ് എന്നിവർ സംസാരിച്ചു. സാക്ഷരത പ്രേരക് ശ്രീദേവി സ്വാഗതവും ഓമന ബാലൻ നന്ദിയും പറഞ്ഞു.