ലബോറട്ടറി ഓണേഴ്​സ് സമ്മേളനം

തൃശൂർ: മെഡിക്കൽ ലബോറട്ടറി ഓണേഴ്സ് അസോസിയേഷൻ ജില്ല കമ്മിറ്റി ലാബ് ടെക്നീഷ്യന്മാർക്ക് വിദ്യാഭ്യാസ ബോധവത്കര ണം സംഘടിപ്പിച്ചു. ടി.എൻ. പ്രതാപൻ എം.പി ഉദ്ഘാടനം ചെയ്തു. അസോസിയേഷൻ സമാഹരിച്ച ഇരുന്നൂറോളം പുസ്തകങ്ങൾ വായനശാലകൾക്കായി എം.പി ഏറ്റുവാങ്ങി. ജില്ല സെക്രട്ടറി കെ.എസ്. ഷാജു പുസ്തകങ്ങൾ കൈമാറി. ജില്ല പ്രസിഡൻറ് സി. ബാലചന്ദ്രൻ അധ്യക്ഷത വഹിച്ചു. ലാബ് റിപ്പോർട്ട് എങ്ങനെ വിശകലനം ചെയ്യാം എന്ന വിഷയത്തിൽ ഡോ. ടി.എം. ആനന്ദ കേശവൻ മുഖ്യപ്രഭാഷണം നടത്തി. ക്ലിനിക്കൽ എസ്റ്റാബ്ലിഷ്െമൻറ് ബിൽ സ്വീകരിക്കാൻ ലാബുകൾ ഏങ്ങനെ തയാറെടുക്കണം എന്ന വിഷയത്തിൽ സംസ്ഥാന െസക്രട്ടറി പ്രകാശ് ക്ലാസെടുത്തു. കെ.എസ്. ഷാജു, ജേക്കബ് പഞ്ഞിക്കാരൻ, ലാലി ജെയിംസ്, ജോർജ് ടി. ജോർജ് തുടങ്ങിയവർ സംസാരിച്ചു.