ഓട്ടോ തൊഴിലാളികൾക്ക് അൻസാർ ട്രസ്​റ്റ്​ ഇഫ്താർ ഒരുക്കി

പെരുമ്പിലാവ്: അക്കിക്കാവ്, പെരുമ്പിലാവ് ജങ്ഷൻ, അൻസാർ ആശുപത്രി ഓട്ടോ പാർക്കുകളിലെ ഓട്ടോ ഡ്രൈവർമാർക്ക് അൻസാരി ചാരിറ്റബിൾ ട്രസ്റ്റ് ഇഫ്താർ വിരുന്നൊരുക്കി. അൻസാർ ഇംഗ്ലീഷ് സ്കൂളിൽ നടന്ന സംഗമത്തിൽ സ്കൂൾ പ്രിൻസിപ്പൽ സലീൽ ഹസ്സൻ സന്ദേശം നൽകി. ചടങ്ങിൽ അൻസാരി ചാരിറ്റബിൾ ട്രസ്റ്റ് വൈസ് ചെയർമാൻ കെ.വി. മുഹമ്മദ് അധ്യക്ഷത വഹിച്ചു. ട്രസ്റ്റ് ജനറൽ സെക്രട്ടറി ഇ.എ. കുഞ്ഞഹമ്മത്, അഡ്മിനിസ്ട്രേറ്റിവ് ഓഫിസർ കെ.എം. ഷാജു, ട്രസ്റ്റ് അംഗങ്ങളായ മൊയ്തു കുട്ടി, ഇസ്മയിൽ കാസിം, ഷൗക്കത്ത് കോരോത്ത്, അൻസാർ ആശുപത്രി ഡെപ്യൂട്ടി ഡയറക്ടർമാരായ പി.എ. ഷെഹീദ്, ഡോ. ഫൈസൽ എന്നിവർ സംബന്ധിച്ചു. സമീപ വ്യാപാര കേന്ദ്രങ്ങളിലെ ഉടമസ്ഥരും തൊഴിലാളികളും ഉൾെപ്പടെ നൂറോളം പേർ പങ്കെടുത്തു.