ഗുരുവായൂരിൽ ഭണ്ഡാര വരവ് 5.43 കോടി

ഗുരുവായൂർ: ക്ഷേത്രത്തിൽ കഴിഞ്ഞ മാസത്തെ ഭണ്ഡാര വരവായി 5,43,47,500 രൂപ ലഭിച്ചു. ഭണ്ഡാരത്തിൽ നിന്ന് 3.939 കിലോ സ്വർണവും 14.87 കിലോ വെള്ളിയും ലഭിച്ചു. 1000, 500 നോട്ടുകൾ കേന്ദ്ര സർക്കാർ അസാധുവാക്കിയിട്ട് രണ്ടു വർഷമായെങ്കിലും, ഭണ്ഡാരത്തിലേക്ക് ഈ നോട്ടുകളുടെ വരവ് തുടരുന്നുണ്ട്. 1,47,500 രൂപയുടെ അസാധു നോട്ടുകൾ ഭണ്ഡാരത്തിൽ നിന്ന് ലഭിച്ചു. 1000ൻെറ 33 എണ്ണവും 500ൻെറ 229 എണ്ണവും ലഭിച്ചു.